Që nga e premtja infeksionet me koronavirusin u rritën me 12.839 raste të reja, raportuan këtë hënën të dhënat nga autoritetet shëndetësore zvicerane.

Rastet totale të konfirmuara në Zvicër dhe me vendin fqinjë Lihtenshtajn u rritën në 269.974 dhe numri i të vdekurve u rrit me 3.158, ndërsa shtrimet në spital u rritën me 483 persona, transmeton Gazeta Express.

Gjatë 7 ditëve deri më 13 nëntor 2020, Zyra Federale e Shëndetësisë Publike të Zvicrës (FOPH) raportoi 553 vdekje midis rasteve të konfirmuara nga laboratori Covid-19, duke e çuar numrin e të vdekurve në 1.229 që nga vera dhe 2.960 që nga fillimi i vitit.

Zvicra aktualisht po përdor 77% të kapacitetit të saj aktual të kujdesit intensiv (1.142 vende), sipas SRF-së. Numri i pacientëve me Covid në kujdesin intensiv ka arritur në 512, një numër afër pikës më të lartë të mëparshme prej 558, i arritur më 28 mars 2020.

Kantonet me normat më të larta të infeksionit 14-ditor për 100.000 persona ishin në Gjenevë (2,416), Fribourg (2,366), Vaud (1,940), Valais (1,910), Neuchâtel (1,925), Jura (1,613), Ticino (1,203), St. Gallen (968), Appenzell Innerrhoden (861) dhe Bern (773). Cyrihu kishte 732 – të gjitha të dhënat nga FOPH.

Vdekjet totale të Covid-19 në Zvicër që nga fillimi i pandemisë tani kanë arritur në 3.235, nga të cilat 2.960 ishin infeksione të konfirmuara laboratorike, shkruan Reutersi, Lenews.CH.