Më shumë se 1,100 zjarrfikës dhe 14 avionë luftuan me një zjarr në zonën Castelo Branco të Portugalisë qendrore.

Autoritetet e mbrojtjes civile atje thanë se kushtet e nxehta dhe me erë do të vështirësojnë shuarjen e zjarrit dhe se për këtë gjë do të duhen ditë.

Tymi nga zjarri, i cili ka shkatërruar rreth 60 kilometra katrorë pyll dhe bimë të nëndheshme, arriti në shenjtëroren e Fatimës rreth 100 kilometra larg, ku qindra mijëra pelegrinë u mblodhën për të parë Papa Françeskun të shtunën.

Autoritetet kanë evakuuar rreth 100 fshatarë si masë paraprake, por komandanti i Mbrojtjes Civile, Jody Rato, u tha gazetarëve se nuk janë raportuar viktima apo dëme në shtëpi për shkak të zjarrit.

Ai tha se zjarri që filloi të premten pasdite në një zonë të largët do të “kërkonte disa ditë punë” për t’u shuar pasi toka kishte shumë materiale të djegshme.

Agjencia shtetërore portugeze e motit parashikoi që temperaturat të arrijnë në 40 celsius të dielën në Castelo Branco, nga 38 gradë celsius sa ishin të shtunën.

Gushti është zakonisht muaji më i nxehtë i vitit në Portugali, shkruan Reuters./euronews.al