Presidenti i Ukrainës, Volodymyr Zelensky, ka dënuar një sulm ndaj një blloku banesash në Kharkiv gjatë natës, duke theksuar se Rusia “nuk duhet të shpërblehet” për luftën e saj ndaj vendit të tij.

Në një postim në X, ai tha se Rusia është e vetëdijshme që një takim për t’i dhënë fund luftës po mbahet sot në Uashington, ndërsa në të njëjtën kohë po sulmon rajonet Kharkiv, Zaporizhzhia, Sumy dhe Odesa.

“Makineria ruse e luftës vazhdon të shkatërrojë jetë, pavarësisht gjithçkaje. Putini do të kryejë vrasje demonstrative për të mbajtur presionin mbi Ukrainën dhe Europën, si dhe për të poshtëruar përpjekjet diplomatike,” shkroi ai. “Pikërisht për këtë arsye ne po kërkojmë ndihmë për t’i dhënë fund vrasjeve. Për këtë arsye kërkohen garanci të besueshme sigurie. Për këtë arsye Rusia nuk duhet të shpërblehet për pjesëmarrjen e saj në këtë luftë.”

Ndërkohë, autoritetet ukrainase kanë raportuar për dhjetë të vrarë nga sulmet ruse gjatë natës. Forcat Ajrore të Ukrainës thanë se Rusia ka lëshuar 140 dronë dhe ka qëlluar me katër raketa, nga të cilat 88 janë rrëzuar, raporton BBC.