Një anëtar i lartë i grupit Hezb-i-Islami në Afganistan është qëlluar për vdekje në qytetin veriperëndimor të Peshawarit në Pakistan.

Haji Faird, ish zëdhënësi i liderit të Hezb-i-Islam, Gulbuddin Hekmatyar, u vra nga persona të armatosur në afërsi të rezidencës së tij në Tajabad, transmeton portali arbresh.info.

“Ai sapo kishte mbaruar lutjet e tij të mëngjesit dhe po largohej kur dy persona të armatosur në motorin e tyre nxorën armët dhe e vranë atë në vend”, tha zëdhënësi i policisë së Peshawar për Al Jazeera.

Fillimisht nga Kunduz, Farid ishte zhvendosur në Peshawar gjatë dekadës së fundit me familjen e tij dhe mbështeti në mënyrë aktive kthimin e Hekmatyar në Kabul në fillim të majit.

Ai ishte një i afërm i familjes së Hekmatyar, të cilit ai i ka shërbyer gjatë luftës civile afgane në vitet 1990, ku ish kreu i diskutueshëm akuzohet se ka hedhur mijëra raketa në Kabul./Arbresh.info