Kryeministri i Hungarisë arrin sot në Jeruzalem. Kjo do të jetë vizita e tij e parë zyrtare në Izrael, por lidhjet midis z. Orban dhe homologut të tij izraelit, Binyamin Netanjahu, datojnë vite më parë. Të dy udhëheqësit ndajnë një agjendë jolibere, populiste-nacionaliste, dhe të dy këto qeveri janë objekt i shpeshtë kritikash nga udhëheqësit e BE, përcjell arbresh.info

Në një largim nga protokolli për shumicën e liderëve që do të vizitojë, z. Orban nuk do të vizitojë liderin palestinez Mahmoud Abbas gjatë udhëtimit të tij në rajon. Z. Netanjahu shpreson se katër vendet e Visegradit (Hungaria, Polonia, Republika Çeke dhe Sllovakia) do të formojnë një bllok pro-izraelit brenda BE. Në kthim, kreu izraelit ka siguruar përkrahje z. Orban, duke përfshirë kur ai u kritikua nga komuniteti hebre i Hungarisë për tonin e perceptuar si antisemit të fushatës së qeverisë së tij kundër Xhorxh Soros, një financier hungarez-amerikan me mendje liberale. Ky veprim taktik ka ngritur vetullat: një komentues e ka krahasuar atë me një organizatë të të drejtave civile që bashkohet me Ku Klux Klan./Arbresh.info