Vetëm 14 përqind e europianëve duan të kthehen në zyrë pas pandemisë dhe të punojnë nga ora 9 e mëngjesit deri në 5 pasdite.

Pjesa më e madhe e të anketurave kanë theksuar se janë treguar më produktiv kur kanë punuar nga shtëpia, transmeton portal arbresh.info

Megjithatë, “puna hibride” – një përzierje e punës nga shtëpia dhe zyra – ka gjithashtu të metat e saj, dhe më shumë se një e katërta e të anketuarve besojnë se punojnë vazhdimisht ose punojnë deri në natën vonë, sipas një sondazhi të porositur nga Samsung Electronics dhe The Future Laboratory. .

Në sondazh morrën pjesë 14 mijë njerëz nga Europa dhe u gjet se 83 përqind e punonjësve kërkojnë mbështetje më të madhe nga punëdhënësi për të arritur një ekuilibër punë –jetë.

Sipas Eurostat, në vitin 2020, rreth 12 përqind e punonjësve në Bashkimin Europian punonin nga shtëpia.

“Punëdhënësit duhet të konsiderojnë tani me kujdes se si do t’i përgjigjen sfidave të jetës moderne hibride,” tha nënkryetari i Samsung, Benjamin Braun.

Dy të tretat e europianëve thanë se kishin bërë, ose planifikonin të bënin, një përshtatje rreth jetës hibride, pasi kishin rregulluar “zyrën” në shtëpi.

Gjithashtu, 51 për qind e të anketuarve janë shprehur se teknologjia, pra alarmet dhe aplikacionet e ndryshme, e bëjnë më të lehtë vendosjen e kufijve mes punës dhe jetës private./arbresh.info/