Vendosen rrethoja në Kullën e Eiffelit për t’u mbrojtur nga terroristët

FILE PHOTO: The Eiffel Tower is seen at sunset in Paris, France, November 9, 2015. REUTERS/Charles Platiau/File Photo

15:37 | 9 Shkurt 2017
Arbresh.info

Kulla e Eiffelit, njëra ndër monumentet më të famshme në botë, do të rrethohet me rrethoja xhami në bazën e saj në tokë për ta mbrojtur nga sulmet terroriste.

Struktura e lartë 324 metra, të cilën e vizitojnë rreth shtatë milionë vizitorë në vit, ka një rrethojë mbrojtëse nga metali e ndërtuar për kampionatin e futbollit të 2016-ës, transmeton arbresh.info.

Sipas burimeve të zyrës së kryetarit të Parisit, nëse plani aprovohet, do të ndërtohet një mur i lartë prej dy metrave e gjysmë nga xhami rreth kullës.

“Kemi tri qëllime: të përmirësojmë pamjen, ta lehtësojmë qasjen dhe të rrisim mbrojtjen e vizitorëve dhe stafit”, tha Jean-Francois Martins, zyrtarë i shtetit.

Kostoja e projektit do të mbërrijë shumën prej 20 milionë eurove./Arbresh.info