Arabia Saudite ua ka ndaluar të gjithë shtetasve të vet marrjen e trajtimit mjekësor në Kanada si ndëshkim diplomatik ndaj kritikave për të drejtat e njeriut.

Riadi gjithashtu njoftoi që po koordinon transferimin e të gjithë pacientëve sauditë nga spitalet kanadeze në qendrat tjera mjekësore jashtë Kanadasë, raporton agjencia saudite e lajmeve SPA.

Shteti i Gjirit ndaloi dërgimin e pacientëve në spitalet kanadeze “sipas direktivave të lidershipit”, thuhet, transmeton portali arbresh.info.

Nuk është ende e qartë se sa pacientë sauditë do të preken nga ky vendim.

Arabia Saudite dëboi ambasadorin e Kanadasë, thirri prapa të dërguarit e vet dhe shkurtoi lidhjet tregtare me Kanadanë, pasi kjo e fundit publikisht denoncoi një goditje ndaj aktivistëve të të drejtave në Mbretërinë e Gjirit në Twitter./Arbresh.info/