Forcat qeveritare siriane po përgatiten për të nisur një operacion ushtarak “të madh” për të kapur Douma, bastionin e fundit të mbetur rebel në Gutën Lindore, sipas mediave lokale.

Gazeta e lidhur me qeverinë al-Watan njoftoi të mërkurën se trupat u dërguan rreth qytetit, e cila është e kontrolluar kryesisht nga grupi rebel i Jaish al-Islam, transmeton portali arbresh.info.

Mobilizimi ishte përgatitja e një konfrontimi potencial me rebelët, nëse ata nuk arrijnë të evakuojnë enklavën pranë Damaskut, thuhet në raport.

Ushtria ruse, një aleat i madh i presidentit sirian Bashar al-Assad, është angazhuar për negociata me Jaish al-Islam për disa ditë. Bisedimet, megjithatë, deri më tani nuk kanë dhënë asnjë rezultat.

Rreth 140,000 njerëz mbesin brenda Doumës, me qasje të kufizuar në ushqim, ujë dhe furnizime mjekësore./Arbresh.info/