Një oficer i ushtrisë amerikane ka marrë me vete edhe ish-përkthyesin afgan për të jetuar në Amerikë, përkundër frikës se ai mund të ndalohej nga rregullat e reja të emigracionit.

Capt Matthew Ball i ka paguar biletën afganit Qismat Amin, pasi përkthyesi kishte pritur rreth katër vite për të marrë një vizë të veçantë emigracioni, transmeton portali arbresh.info.

Vendimi i Presidentit të SHBA-ve, Donald Trump, për të ndaluar emigrantët nga shtatë vendet me shumicë myslimane, nuk e përfshinë Afganistanin.

“Jam shumë i lumtur”, ka thënë ushtaraku pasi priti ish-përktthyesin nga Afganistani në Aeroportin Ndërkombëtar të San Franciscos.

Amin thuhet se qëndroi i fshehur për një kohë të gjatë pas kërcënimeve me vdekje nga talebanët, të cilët ndjekin të gjithë afganistanezët që kanë punuar me forcat amerikane.

Ai arriti të hyjë në Shtetet e Bashkuara dy ditë pasi Donald Trump nënshkroi vendimin për ndalimin e emigrantëve që duan të hyjnë në vend nga vendet me shumicë myslimanë, duke përfshirë edhe Sirinë./Arbresh.info