Njësitë ushtarake që sigurojnë aeroportin ndërkombëtar të Kabulit po përpiqen të mbajnë larg aeroplanëve civilët që u futën me forcë ne aeroport, raporton Anadolu Agency (AA).

Pasi talebanët mbërritën në kryeqytetin Kabul, mijëra njerëz që tashmë kishin ikur nga vende të tjera të Afganistanit si pasojë e ofensivës së talebanëve, u drejtuan në aeroportin ndërkombëtar të Kabulit me qëllim për t’u larguar nga vendi.

Civilët me forcë hynë në aeroport dhe më pas u përpoqën të hipin nëpër aeroplanë.

Sigurimi i aeroportit dhe ushtarët përpiqen të mbajnë jashtë civilët të cilët mundohen t’u afrohen aeroplanëve dhe pistave të aeroportit.

Talebanët me shpejtësi kanë marrë nën kontroll shumicën e vendit, në një ofensivë që ka verbuar sytë e fuqive perëndimore derisa forcat afgane po shkrihen. Kabuli dje ra në duart e grupit pasi qeveria afgane dhe presidenti Ashraf Ghani u largua nga vendi.

Pas largimit të Ghani-t, ish-presidenti Hamid Karzai, politikani veteran, Gulbuddin Hekmatyar dhe kryenegociatori i paqes, Abdullah Abdullah, kanë punuar për të siguruar një transferim të qetë të pushtetit.

SHBA është në mes të evakuimit të personelin të saj diplomatik nga Aeroporti Ndërkombëtar “Hamid Karzai” i Kabulit, si dhe të mijëra refugjatëve afganë që po kërkojnë statusin e refugjatit.