Presidenti i Komisionit Europian, Jean Claude-Juncker, ka deklaruar se Turqia është duke u larguar nga Europa me hapa gjigandë.

“Erdogan ka shpresuar se Europa do të heq dorë nga bisedimet, në mënyrë që të fajesojë BE-në për dështimet e veta”, ka shtuar Juncker, raporton AFP, transmeton portali arbresh.info

Ai shtoi se BE-ja duhet të shmangë ‘rënien në një grackë të tillë’, pasi ‘përgjegjësia është plotësisht në anën turke’.

“Pyetja se a duhet t’i japim fund negociatave është teorike, sepse në parim nuk ka negociata”, tha ai.

Turqia filloi negociatat për pranimin në BE në vitin 2005, mëgjithatë ‘përparimi ka qenë shumë i ngadalshëm’, pavarësisht premtimeve të BE-së se negociatat do të përshpejtohen me marrëveshjen e arritur me Ankranë për ndalimin e refugjatëve nga Lindja e Mesme.

Tensionet mes BE-së dhe Turqisë janë rritur dukshëm pas tentimit për grusht shtet gjatë vitit të kaluar./arbresh.info/