Turqia ka lëshuar urdhër arrest për 223 persona ushtarakë që shërbejnë në të gjithë vendin dhe në shtetin e shkëputur të Qipros Veriore për lidhje të dyshuara me një rrjet Ankaraja që akuzon për organizimin e një grusht shteti në tentativë në vitin 2016.

Autoritetet po kërkojnë të dyshuarit në 49 provinca në Turqi dhe në Qipron Veriore, tha transmetuesi shtetëror TRT Haber, transmeton portali arbresh.info

Besohet se 100 prej atyre që po përballen me akuzë janë nga ushtria, ndërsa 41 nga forcat ajrore dhe 32 nga marina.

Ankaraja fajëson klerikun mysliman me qendër në SHBA, Fetullah Gulen, për planifikimin e grusht shtetit në vititn 2016.

Që nga grusht shteti janë burgosur 77 mijë njerëz, të cilët janë në pritje të gjykimit dhe rreth 150,000 shërbyes civil, personel ushtarak dhe të tjerë janë shkarkuar ose pezulluar nga punët e tyre.

Bota Perëndimore e ka kritikuar Turqinë, duke thënë se Presidenti Recep Tayyip Erdogan ka përdorur grushtin e shtetit për të ‘pastruar’ kritikët.

Ankaraja ka mbrojtur masat si një përgjigje të nevojshme ndaj shkallës së kërcënimit të sigurisë me të cilën përballet Turqia, duke u zotuar të zhdukë rrjetin e Gulenit./arbresh.info/