“Trump tha se Zoti e shpëtoi se kishte një plan për Amerikën”/ Rama: Zoti kishte plan edhe për Evropën

13:55 | 16 Maj 2025
Gita

Në hapje të Samitit të Komunitetit Politik Evropian në Tiranë, kryeministri i Shqipërisë, Edi Rama, u bëri thirrje liderëve evropianë për unitet, vizion dhe rilindje të kontinentit.

Ai u ndal edhe te atentati ndaj Donald Trump, duke përmendur deklaratën e presidentit amerikan se “Zoti e shpëtoi se kishte një plan për Amerikën”, duke thënë se “Zoti kishte edhe një plan për Evropën”.

“Le t’u japim të rinjve dhe bizneseve evropiane një arsye për të ndërtuar, jo vetëm për të folur për armë. Beteja jonë lidhet me atë që ne mund të bëjmë për veten dhe fëmijët tanë. Ka të bëjë me kurajën për të ndërtuar dhe për të forcuar besimin,” theksoi Rama.

Ai përmbylli fjalën duke theksuar nevojën për një “udhëtim kthimi dhe rilindjeje” për Evropën.