Donald Trump është zyrtarisht President i Shteteve të Bashkuara të Amerikës pas votimit të delegatëve në Kolegj.

Deri tani, Donald Trump ka marrë 270 delegatë, shifër e mjaftueshme për të qenë President. Nga këto, 38 delegatë të fituar janë nga Teksasi. Të 16 delegatët e Michigan, 29 delegatët e Floridas votuan për Trump.

Për shkak të garës tepër të kontestuar dhe kundërshtimit të vazhdueshëm të fitores së Trump nga shumë përkrahës të zonjës Klinton, mijëra amerikanë i kanë kërkuar 306 elektorëve republikanë të Kolegjit Elektoral që ta refuzojnë Trump-in, qoftë duke votuar për zonjën Klinton apo për një tjetër republikan më të pranueshëm. Nëse votimi përfundon në barazim 269 – 269, atëherë çështja kalon në Dhomën e Përfaqësuesve. Por megjithatë, Trump arriti të merr 270 delegatë dhe kështu edhe zyrtarisht mbetet President i SHBA-së.