Dy pacientë vdiqën dhe një infermiere u plagos duke marrë plagë të rënda ne trup nga flakët e zjarrit në një spital Covid-19 në qytetin qendror rumun të Ploiesti.

Zyrtarët kanë filluar të inspektojnë rregullisht linjat e oksigjenit dhe lejet e zjarrit në spitale, shkruan Abc News, transmeton arbresh.info

Në këtë spital në momentin e shpërthimit të zjarrit gjendeshin më shumë se 17,400 pacientë me Covid-19, përfshirë 310 fëmijë, që po trajtoheshin në njësitë e kujdesit intensiv.
Zjarri u shua shpejt pasi kishte përfshirë vetëm një dhomë. Pesëmbëdhjetë pacientë u transferuan në krah në një spital tjetër.

Kjo nuk është hera e parë kur një spital në Rumani përfshihet nga flakët pasi në Tetor, një zjarr vrau nëntë persona në njësinë e kujdesit intensiv të një spitali në qytetin lindor të Konstancës. Edhe para pandemisë, Rumania kishte një nga infrastrukturat më pak të zhvilluara të kujdesit shëndetësor të BE-së.

Edhe në qytetin e Piatra Neamt në Nëntor të vitit 2020, 10 persona vdiqën si pasojë e zjarrit që shpërtheu në njësinë e kujdesit intensiv ku po qëndronin pacientët të cilët kuroheshin nga tipi i ri i koronavirusit.

Rumania ka shkallën e dytë më të ulët të vaksinimit në Bashkimin Evropian dhe një nga normat më të larta të vdekshmërisë nga Covid-19 në botë. / arbresh.info/