Ligjvënësit e Teksasit kanë miratuar një projekt-ligj që do t’iu lejonte njerëzve të mbanin armë edhe pa leje.

Rregullat e tanishme shtetërore për armëmbajtje thonë se personat duhet të kenë licencë, trajnime dhe kontrolle.

Por, senati teksasian i drejtuar nga republikanët ka votuar për heqjen e kufizimeve, pavarësisht paralajmërimeve nga grupet e kontrollit të armëve që masat mund të vënë në rrezik jetën.

Masa e re do të lejonte cilindo nga mosha 21 vjeçare ose më shumë të mbante një pistoletë nëse nuk kanë dënime të kaluara penale ose kufizime ligjore mbi to, raporton bbc.

Mbështetësit thonë se masat e reja do të lejojnë Teksasit të mbrohen më mirë në publik. Projekt-ligji i është dërguar Guvernatorit Greg Abbott, i cili ka thënë se do ta nënshkruajë atë në ligj.

Ndryshe, kujtojmë se Teksasi ka disa nga ligjet më të lira të armëve në SHBA dhe tashmë lejon që armët të barten edhe në publik pa licencë.