Një person i armatosur ka plagosur tre oficerë policie të mërkurën mbrëma përpara se të mbetej i vrarë në një operacion të zbatimit të ligjit, sipas autoriteteve dhe mediave në Los Anxhelos .

“Jam i lehtësuar dhe mirënjohës që këta tre oficerë të guximshëm policie janë në gjendje të qëndrueshme dhe kam qenë në gjendje të flas me dy prej tyre kur shkova për t’i kontrolluar”, tha kryebashkiaku Karen Bass gjatë një konference për shtyp.

Pamjet ajrore të transmetuara më herët nga stacioni televiziv lokal KCAL-TV, pjesë e rrjetit kombëtar CBS, treguan një forcë të madhe policie që rrethonte një zonë rreth një parkingu në lagjen Lincoln Heights.

Sipas CBS Neës, i dyshuari ishte i liruar me kusht për një vepër penale. Ai u shpall i vdekur në vendngjarje pak para orës 21:30, pas një përplasjeje me policinë.

Departamenti i Policisë së Los Anxhelosit (LAPD) dhe zyra e kryetarit Bass nuk u përgjigjën kur u pyet nga Reuters për koment mbi incidentin e përgjakshëm./abcnews.al