Drejtoresha e Amnesty International në Turqi, së bashku me dy gjermanë dhe një shtetas suedez, janë arrestuar gjatë një takimi në një hotel në ishullin Büyükada.

Sipas autoriteteve turke, të dyshuarit ishin duke planifikuar ngjarje provokative që do të mund të nxisnin protesta në Turqi, shkruan e përditshmja Aksham, transmeton portali arbresh.info

Raporti i publikuar në këtë të përditshme thotë se drejtoresha e AI, Idil Eser, po përgatiste raporte për të justifikuar aktet e dhunshme gjatë protestave të vitit 2013.

“Amnesty International” akuzoi rëndë policinë turke për arrestimet dhe tha se, ato janë bërë pa asnjë arsye.

Presidenti i Turqisë, Recep Tayyip Erdogan, gjithashtu komentoi arrestimet e fundit në samitin e G20-tës në Hamburg, duke thënë se zbulimi që dërgoi deri në bastitje kishte gjetur se po prekeshin interesat e shtetit turk./Arbresh.info