Një sulm izraelit ka shkatërruar ndërtesën e konsullatës iraniane në kryeqytetin e Sirisë, Damask, duke vrarë dhe plagosur disa njerëz, thonë autoritetet siriane.

Një komandant i lartë i Gardës Revolucionare, gjeneral brig, Mohammad Reza Zahedi, ishte në mesin e të vdekurve, njoftoi media shtetërore iraniane, transmeton Arbresh.info.

Ushtria izraelite tha se nuk komentoi raportet e mediave të huaja, shkruan BBC

Ministria siriane e mbrojtjes tha se avionët izraelitë shënjestruan ndërtesën e konsullatës nga drejtimi i Lartësive të Golanit të pushtuara rreth orës 17:00 me orën lokale.

Mbrojtja ajrore siriane rrëzoi disa nga raketat që ata lëshuan, por raketa të tjera depërtuan dhe “shkatërruan të gjithë ndërtesën, duke vrarë dhe plagosur të gjithë brenda”, shtoi ministria.

Ministria tha se po punohej për gjetjen e trupave dhe shpëtimin e të plagosurve nga poshtë rrënojave, pa dhënë asnjë informacion për identitetin e tyre.