Irani ka goditur qytetin jugor izraelit Dimona me një raketë, duke plagosur të paktën 47 persona. Objektivi duket të ketë qenë një impiant bërthamor rreth 13 km larg, raporton BBC.

Qyteti i afërt Arad është goditur gjithashtu, me shërbimin izraelit të emergjencës Magen David Adom që konfirmon se po trajton “një numër të madh të plagosurish”.

Kjo vjen pas një sulmi ndaj impiantit bërthamor të Natanzit në Iran, sipas Teheranit. Organizata e energjisë atomike e vendit thotë se nuk ka rrezik për zonat përreth.

Aftësia e Teheranit për të kërcënuar anijet në Ngushticën e Hormuzit është “dobësuar” pas bombardimeve amerikane ndaj një objekti ushtarak nëntokësor këtë javë, sipas Komandës Qendrore të SHBA-së.

Por forcat iraniane kanë synuar vazhdimisht rajonin e Gjirit gjatë këtij konflikti – duke nxitur ministrat e jashtëm të G7 të publikojnë sot një deklaratë ku kërkojnë përfundim “të menjëhershëm” të sulmeve.

Ministrat e jashtëm gjithashtu thanë se janë të gatshëm të ndërmarrin masa për të mbështetur furnizimet globale me energji, ndërsa infrastruktura kritike vazhdon të jetë në shënjestër në rajon.

Izraeli dhe SHBA kanë vazhduar sulmet ndaj Teheranit, ndërsa banorët shënojnë fillimin e vitit të ri në vend.