Suedia heq kufizimet e udhëtimit për 10 vendet evropiane më 30 qershor

The Swedish flag is pictured on April 4, 2020 in Stockholm during the the new coronavirus COVID-19 pamdemic. (Photo by Jonathan NACKSTRAND / AFP) (Photo by JONATHAN NACKSTRAND/AFP via Getty Images)

22:03 | 17 Qershor 2020
Arditë Shkodra

Suedia është duke shfuqizuar një rekomandim për të mos udhëtuar në dhjetë vende evropiane, përveç nëse është shumë e nevojshme, përfshirë Kroacinë, deri më 30 qershor, njoftoi sot Ministria e Jashtme e Suedisë.

Vendet për të cilat rekomandimi është revokuar janë Kroacia, Greqia, Spanja, Italia, Portugalia, Sllovenia, Franca, Islanda, Belgjika, Zvicra dhe Luksemburgu, transmeton lajmi.net.

“Për vendet e tjera, rekomandimi të mos udhëtosh nëse udhëtimi nuk është i nevojshëm është akoma i vlefshëm. Për vendet jashtë BE-së dhe Shengenit, ai do të zgjatet deri më 31 gusht”, tha ministrja e Jashtme, Ann Linde në një konferencë për shtyp.

Një rekomandim i mëparshëm për të mos udhëtuar, përveç nëse është e nevojshme, fillimisht ishte publikuar më 14 mars dhe më pas ishte zgjatur nga 13 maj deri më 15 korrik, ishte aplikuar për të gjitha vendet.