Fluturimi i parë historik për Starship të Musk përfundoi me një shpërthim, disa minuta pasi raketa gjigante, 120 metra e lartë, u ngrit nga baza në Teksas.

Por nuk kishte shumë trishtim në SpaceX. Para fluturimit, Musk tha se qëllimi kryesor nuk ishte të fluturonte, dhe ata patën sukses.

pic.twitter.com/vX3M7B3J1G

— Elon Musk (@elonmusk) April 20, 2023

Raketa që duhet të nisë epokën e re hapësinore është ngritur, sërish pas një vonese të shkurtër që shqetësoi shumë njerëz.

Pak minuta më vonë, raketa arriti një lartësi prej gati 40 kilometrash, por Starship nuk arriti të ndahej nga faza e poshtme, e cila quhet Super Heavy.

Raketa filloi të rrotullohej në mënyrë të pakontrolluar dhe të humbiste lartësinë dhe më pas shpërtheu.

Congrats @SpaceX team on an exciting test launch of Starship!

Learned a lot for next test launch in a few months. pic.twitter.com/gswdFut1dK

— Elon Musk (@elonmusk) April 20, 2023

“Urime ekipit në SpaceX për nisjen testuese emocionuese të Starship. Mësuam shumë për testin e radhës, i cili do të jetë pas nja dy muajsh”, ka shkruar Musk bashkë me pamjet e provës së parë të raketës së madhe.

Starship është një anije kozmike që duhet të kthejë astronautët në Hënë në vitin 2025, dhe poshtë saj është një raketë shtytëse Super Heavy, dhe ky duhet të jetë lëshimi i parë i të gjithë sistemit.

Në të ardhmen, këto raketa do të kthehen gjithashtu në Tokë për t’u përdorur disa herë.

Përveç Hënës, Musk planifikon të dërgojë edhe Starship në Mars. Por për të pasur karburant për atë fluturim, ata planifikojnë ta furnizojnë atë në orbitë me karburant nga një tjetër Starship, dhe kështu të ulin koston e vetë misionit në Mars. /Telegrafi/