Dy persona kanë mbetur të vdekur ndërsa janë lënduar 26 të tjerë si pasoj e një shpërthimi në një restorant në Kinën veriore.

Autoritetet thanë se dyshohet se shpërthimi ishte shkaktuar nga një rrjedhje gazi, megjithëse ata nuk e kanë identifikuar shkakun ose vendndodhjen specifike të shpërthimit, transmeton Arbresh.info.

CNN shkruan se të paktën tri ndërtesa u dëmtuan rëndë si pasoj e shpërthimit.

Kina ka parë një sërë incidentesh vdekjeprurëse të shkaktuara nga rrjedhjet e gazit në vitet e fundit.

Qershorin e kaluar, një shpërthim gazi në një restorant në rajonin veriperëndimor Ningxia vrau 31 persona. Pas atij shpërthimi, rregullatorët e tregut kinez lëshuan udhëzime të detajuara mbi përdorimin e pajisjeve me gaz dhe sobave për të shmangur rreziqet e sigurisë./Arbresh.info