Autoritetet në Irak thonë se vetura-bombë afër një dyqani ka vrarë 14 persona në një qytet në verilindje të Bagdadit.

Oficerët policor thonë se sulmi ndodhi të shtunën në qytetin me shumicë shiite të Balad Ruz, duke lënë të vrarë 14 persona dhe duke plagosur  37  të tjerë.

Balad Ruz është 70 kilometra në verilindje të Bagdadit. Dyqane të shumta dhe vetura janë dëmtuar gjatë sulmit. Policia mbylli zonën e shpërthimit.

Mjekët e një spitali në afërsi kanë konfirmuar numrin e të vdekurve. Të gjithë zyrtarët kanë folur në kushte anonimiteti sepse nuk kanë qenë të autorizuar për të komunikuar me gazetarët.

Askush nuk mori përgjegjësinë, por grupi Shteti Islamik, i cili ka nën kontroll hapësira të mëdha të vendit, shpesh merr përsipër sulmet që kanë për cak forcat e sigurisë dhe myslimanët shiit-të cilët ISIS i konsideron heretik./arbresh.info/