Ministria e Mbrojtjes së Ukrainës ka deklaruar se ka përdorur për herë të parë raketa me rreze të gjatë veprimi të furnizuara nga Shtetet e Bashkuara të Amerikës për të goditur objektiva brenda territorit rus.

Këto raketa, të njohura, si ATACMS, janë një nga armët më të avancuara të dorëzuara nga SHBA-ja në kuadër të mbështetjes për Ukrainën kundër pushtimit rus.

Raportohet se sulmi ka shkaktuar dëme të konsiderueshme mbi infrastrukturën ushtarake ruse, por autoritetet në Moskë ende nuk kanë komentuar mbi incidentin.

Ky përshkallëzim i konfliktit pritet të rrisë tensionet mes Rusisë dhe Perëndimit.

Kjo shënon një hap të rëndësishëm në strategjinë ushtarake të Ukrainës, duke synuar që të dëmtojë aftësitë ruse për të vijuar luftën në frontet ukrainase./BBC