Departamenti Amerikan i Thesarit ka futur në listën e zezë gjashtë individë të lidhur me Korpusin e Gardës Revolucionare Islamike dhe tre entitete afariste, pak ditë pasi SHBA u tërhoq nga marrëveshja bërthamore e vitit 2015.

Lista e përditësuar e individëve që i nënshtrohen sanksioneve është zgjeruar me emrat Meghdad Amini, Mohammad Hasan Khodai, Said Najafpur, Masud Nikbakht, Foad Salehi dhe Mohammadreza Khedmati Valadzaghard, që SHBA thotë se janë të lidhur me “Forcat Quds” të IRGC, transmeton portali arbresh.info.

Pas largimit nga marrëveshja bërthamore e Iranit, Donald Trump ka kërcënuar Iranin me sanksione të reja, gjë që ka çuar në një përshkallëzim të tensioneve midis Teheranit dhe Uashingtonit.

Ministri i jashtëm rus ka komentuar situatën duke thënë se nuk ishte e arsyeshme të shpërfilleshin interesat e Teheranit dhe partnerëve të saj. Ai theksoi se pa marrë parasysh sanksionet e njëanshme të Shteteve të Bashkuara, heqja e sanksioneve të KS të OKB-së nuk mund të ndryshohej./Arbresh.info/