SHBA: Rrëzohet helikopteri, zhduken 11 marinarë

09:29 | 12 Mars 2015

Shtatë marinarë dhe katër anëtarë të ekuipazhit janë zhdukur pas rrëzimit të një helikopteri ushtarak amerikan gjatë një manovre në Florida, njoftoi sot ushtria amerikane.

Zyrtarët e kësaj baze thonë se marinsat janë pjesë e një grupi për operacione speciale ndërsa ushtarët janë nga Hammondi, njësia e gardës kombëtare të Luizianës.

Zëdhënësi i bazës ajrore në Florida, ka thënë se helikopteri është shpallur i zhdukur rreth orës 8:30 të mbrëmjes të së martës sipas orës amerikane ndërsa njësiti për kërkim dhe shpëtim ka gjetur mbetjet e helikopterit rreth orës 2 të mëngjesit të së mërkurës. Dy helikopterët merrnin pjesë në një manovër rutinë me regjimentin special të marinës në Karolinën e Veriut./alsat.m/

Shpërndaje në rrjete sociale