Ushtritë e Emirateve të Bashkuara Arabe (EBA), Bahreinit dhe Izraelit, dhe Komanda Qendrore e Forcave Detare të SHBA, kanë filluar stërvitjen e parë ushtarake në Detin e Kuq.

Kjo është hera e parë që këto katër vende lëshojnë informacione mbi stërvitjen e tyre të përbashkët ushtarake, transmeton portal arbresh.info

Duke folur me gazetarët izraelitë, komandanti i marinës izraelite tha se fillimi i bashkëpunimit ushtarak të udhëhequr nga SHBA duhet të ndihmojë në kundërshtimin e planeve iraniane në rajon, shkruajnë mediat izraelite.

Emiratet e Bashkuara Arabe dhe Bahreini normalizuan marrëdhëniet diplomatike me Izraelin e ndërmjetësuar nga SHBA vitin e kaluar, të bashkuar nga shqetësimet për Iranin dhe të motivuar nga përfitimet ekonomike.

Negociatat mes Iranit dhe fuqive botërore për ringjalljen e marrëveshjes bërthamore të vitit 2015 do të rifillojnë në fund të nëntorit në Vjenë dhe dështimi i tyre do të përbënte rrezik për rritjen e tensioneve në rajon.

“Bashkëpunimi detar po ndihmon në ruajtjen e lundrimit dhe tregtisë së lirë, thelbësore për sigurinë dhe stabilitetin rajonal,” tha zëvendësadmirali i SHBA Brad Cooper, komandant i NAVCENT dhe Flotës së Pestë të SHBA.

“Kjo stërvitje do të forcojë bashkëpunimin dhe sigurinë në Detin e Kuq, por jo vetëm atë, pasi ne kundërshtojmë terrorin iranian në të gjithë rajonin,” shtoi Cooper. Flota e Pestë e SHBA-së është e vendosur në Bahrein dhe operon në Gjirin Arabik dhe Omani, Detin e Kuq dhe pjesë të Oqeanit Indian./arbresh.info/