SHBA do të ndërtojë arsenal bërthamor, thotë presidenti amerikan

00:12 | 23 Tetor 2018
Trina Galanxhi

Presidenti i SHBA-ve, Donald Trump ka paralajmëruar se Shtetet e Bashkuara synojnë të ndërtojnë arsenalin e tyre të armëve bërthamore për të ushtruar presion mbi Kinën dhe Rusinë.

Duke folur për gazetarët, ai tha se Rusia ka shkelur traktatin e Forcave Bërthamore të Mesme, të cilin ai ka kërcënuar ta braktisë, transmeton portali arbresh.info

Rusia e ka mohuar këtë.

Traktati i epokës së Luftës së Ftohtë ndaloi raketat me rreze të mesme, duke zvogëluar kërcënimin e perceptuar sovjetik ndaj kombeve europiane.

Trump thotë se SHBA do të ndërtojë arsenalin e saj “deri sa njerëzve t’u vijnë mend në kokë”.

Ndërkohë, këshilltari i Sigurimit Kombëtar, John Bolton ka zhvilluar bisedime në Moske, pasi Rusia dënoi planin e SHBA-vë për braktisjen e kësaj marrëveshje./arbresh.info/