Ad Banner
Ad Banner
Ad Banner
Ad Banner

Së paku 35 njerëz të vrarë nga një sulm i IS-it në Bagdad

11:12 | 20 Korrik 2021
A Z

Numri i viktimave të një sulmi me bombë në kryeqytetin e Irakut, Bagdad, arriti në 35, thanë zyrtarët spitalorë.

Sulmi ndodhi të hënën pasdite në një treg të lagjes Sadër Siti.

Qytetarët po bënin pazare për Festën e Kurban Bajramit, e cila shënohet sot.

Përgjegjësinë për sulmin e ka grupi militant Shteti Islamik (IS), tha agjencia e lajmeve e grupit Nasheer.

Burimet spitalore paralajmërojnë se numri i viktimave mund të rritet, pasi disa prej të plagosurve janë në gjendje kritike.

“Me një krim të tmerrshëm që shënjestroi civilët në Sadër Siti, në prag të Bajramit… ne nuk do të pushojmë derisa terrorizmi të çrrënjoset”, shkroi në Twitter presidenti i Irakut, Barham Salih.

Qeveria e Irakut ka shpallur fitore në luftën e saj kundër Shtetit Islamik në fund të vitit 2017.

Por, qeliza të fjetura të grupi vazhdojnë të kryejnë sulme të kohëpaskohshme në Irak.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm