Kreu i Social Demokratëvë në Gjermani, Martin Schulz, në një debat televiziv me kancelaren Angela Merkel, ka deklaruar se ai do të ndalonte ofertën e Turqisë për t’iu bashkuar BE-së.

“Kur të bëhem kancelar, do të anluloj bisedimet e pranimit të Turqisë në Bashkimin Europian”, tha ai, shkruan Reuters, transmeton portali arbesh.info

“Asnjë shtetas gjerman më nuk është i sigurtë të udhëtojë në Turqi”, tha Schulz, duke iu referuar ndalimit të 12 shtetasve gjermanë mbi akuzat politike gjatë muajve të fundit.

“Kushdo që zgjidhet kancelar në mandatin e ardhshëm, ka për detyrë t’i tregojë Turqisë se ne e mbrojmë Republikën Federale të Gjermanisë. Asaj duhet t’i bëhet e qartë se tashmë ka kaluar vijat e kuqe”, shtoi ai.

Merkel përsëriti qëndrimin e saj se ajo nuk është kundër ndalimit të diskutimeve të mëtejshme me Ankaranë , por paralajmëroi se nuk kërkon ndalimin e menjëhershëm të bisedimeve për pranimin e Turqisë në BE, duke shtuar se një i hap i tillë duhet të konsiderohet me kujdes./arbresh.info/