Rusia ende nuk po mund të verifikojë pretendimet e Uashingtonit mbi vrasjen e udhëheqësit të Shtetit Islamik, tha ministri i jashtëm rus Sergej Lavrov.

Lavrov ka theksuar se nuk ‘mund të besojë vdekjen e tij’, pasi sipas Rusisë është ‘Amerika ajo që ka ngritur grupin terrorist’, transmeton portali arbresh.info

“Abu Bakt al-Bagdadi, lideri i grupit famëkeq terrorist nuk dihet nëse është vrarë, pasi ai ishet pjellë e Shteteve të Bashkuara të Amerikës”, tha ai për mediat ruse.

“ISIS-i si i tillë erdhi në ekzistencë, pas pushtimit të paligjshëm amerikan në Irak, rrëzimit të shtetit Irakian dhe lirimit të ekstremistëve që amerikanët i mbanin më parë në burgjet atje “, shtoi Lavrov.

Lavrov ka shtuar se Rusia ende nuk ka arritur të konfirmojë vdekjen e tij.

Presidenti amerikan Donald Trump ka lavdëruar forcat amerikane, të cilat përmes një sulmi neutralizuan liderin e grupit terrorist.

ISIS ka konfirmuar vdekjen e ish-liderit dhe para pak ditësh ka njoftuar për emërimin e një lideri të ri./arbresh.info/