Ad Banner
Ad Banner
Ad Banner
Ad Banner

Rusia shënon mbi 5,400 raste të reja të koronavirusit për një ditë

16:09 | 12 Shtator 2020
Arditë Shkodra

Gjatë 24 orëve të kaluara, në Rusi u regjistruan 5,488 raste të reja të koronavirusit.

Kështu, numri i përgjithshëm i personave të prekur nga Covid-19 në këtë shtet shkoi në 1,057,362, që është shifra e katërt në botë. Para Rusisë janë Shtetet e Bashkuara, India dhe Brazili.

Përpos infektimeve, gjatë kësaj periudhe u regjistruan edhe 119 raste fatale dhe numri i përgjithshëm i viktimave të pandemisë në Rusi shkoi në 18,484, shkruan The Guardian, transmeton Gazeta Express.

Sipas agjencisë Tass, mbi 165 mijë persona janë duke marrë trajtim për t’u shëruar nga koronavirusi në mbarë Rusinë.

Ndërkohë numri i personave të shëruar nga sëmundja e re në këtë shtet ka shkuar në 873,535 pasi për një ditë u shëruan 5,428 persona. Kthyer në përqindje, i bie se 82.6 për qind e personave të infektuar janë shëruar.

Pavarësisht numrit të madh të personave të infektuar, shkalla e vdekshmërisë së pacientëve me Covid-19 është relativisht e ulët, sidomos në krahasim me disa vende.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm