Marina ruse ka vendosur t’i japë fund nëndetëses më të madhe në histori pas katër dekadash.

Kjo u njoftua nga media shtetërore ruse TASS, e cila, duke cituar Vladimir Maltsev, kreun e Lëvizjes Mbështetëse të Flotës Ruse, konfirmoi humbjen e njësisë së fundit të zhytësit të klasit Typhoon.

Kjo nëndetëse, e cila u bë e famshme falë filmit të vitit 1990 “The Hunt for Red October”, me protagonist Sean Connery, është 175 metra e gjatë dhe 25 metra e gjerë.

Ajo është më e madhja në histori, e aftë për të ngarkuar deri në 20 000 tonë dhe e pajisur me raketa balistike ndërkontinentale.

Vendimi për të nxjerrë në pension Dmitry Donskoy TK-208 ndodh në mes të luftës në Ukrainë. Edhe pse në pamje të parë duket kontradiktore që ndodh në kohë lufte, Forcat e Armatosura ruse kërkojnë të modernizojnë flotën detare me teknologjinë më të fundit dhe këto plane përfshijnë lamtumirën e nëndetëses për ta zëvendësuar atë me modele të reja.

Një nga pikat e forta të Dmitry Donskoy ishte aftësia e tij për të lundruar në ujërat e ftohta dhe të ngrira të Arktikut.

Në ato rajone të të ftohtit të ashpër, Rusia ka disa baza strategjike. Një prej tyre është ajo e Severodvinsk, ku do të shkatërrohet nëndetësja më vdekjeprurëse në histori./A2