Udhëheqësi kinez Xi Jinping dhe presidenti rus Vladimir Putin janë zotuar të thellojnë partneritetin e tyre në Pekin në një shfaqje të qartë të bashkëpunimit të tyre në rritje ndërsa trupat ruse përparojnë në Ukrainë.

Xi përshëndeti marrëdhënien e të dy vendeve, të cilat u zyrtarizuan në një deklaratë të përbashkët të nënshkruar nga krerët në një ceremoni të enjten. Putin, delegacioni i të cilit përfshin zyrtarë të lartë të mbrojtjes dhe sigurisë u mirëprit nga Xi Jinping.

Kina është partneri kryesor tregtar i Rusisë dhe sanksionet ndërkombëtare për luftën e Moskës në Ukrainë i kanë afruar dy ekonomitë.

Në takimet me Putinin, Xi deklaroi se marrëdhëniet Kinë-Rusi kanë “i rezistuar provës së një peizazhi ndërkombëtar në ndryshim” dhe kanë ecur përpara në mënyrë të qëndrueshme me një koordinim strategjik gjithëpërfshirës të zgjeruar”, sipas një njoftimit nga Ministria e Jashtme e Kinës.

“Kjo ka dhënë kontribut pozitiv në ruajtjen e stabilitetit strategjik global dhe promovimin e një demokracie më të madhe në marrëdhëniet ndërkombëtare”, thuhet në deklaratë./abcnews.al