Parlamenti slloven miratoi akordimin e 780 milionë eurove për investime ushtarake gjatë gjashtë viteve të ardhshme.

Ministri i Mbrojtjes, Matej Tonin nënvizoi në mënyrë të përsëritur se mbijetesa afatgjatë e forcave të armatosura sllovene varet nga ky ligj, që përfshin pajisjet e personelit ushtarak dhe modernizimin e infrastrukturës dhe të kazermave.

Shumica e fondeve do t’i kushtohen blerjes së automjeteve të blinduara, për një modernizim të nevojshëm dhe të kërkuar gjithashtu nga NATO, e cila ishte shprehur negativisht për kushtet e ushtrisë sllovene.

Në fillim të vitit 2018, sekretari i përgjithshëm i Aleancës së Atlantikut të Veriut, Jens Stoltenber ishte shprehur se rritja e shpenzimeve për sektorin ishte një shenjë e mirë, por ende shumë e ulët.

Që prej asaj kohe presidenti i Republikës dhe komandanti i përgjithshëm i ushtrisë, Borut Pahor, kishte kërkuar sqarime dhe azhurnime të rregullta mbi modernizimin e forcave të armatosura.

Ligji u miratua me 48 vota pro dhe 36 kundër.