Roja rrëfen se si për pak qëlloi Mbretëreshën Elizabeth II gjatë një shëtitje natën

00:26 | 5 Janar 2017
Trina Galanxhi

Një ish roje në Buckingham Palace ka rrëfyer një ndodhi të pakëndshme gjatë detyrës së tij. Ai ka treguar se si një natë për pak sa nuk e ka qëlluar mbretëreshën Elizabeth II.

Kjo e fundit sipas britanikes Express, kishte dalë për një shëtitje natën vonë nëpër ambientet e pallatit për shkak se nuk kishte patur gjumë.

Ushtari pa emër ka thanë se “kishte parë një figurë në orën 3 të mëngjesit” dhe pa e ditur se mund të ishte ka bërtitur: Kush është aty?

Për habinë e tij ishte vetë mbretëresha. “ Madhëria juaj, për pak ju qëllova,” i ka thënë ai.

Mbretëresha e cila i pëlqen shëtitjet kur nuk mundet të flejë mësohet t’i ketë thënë: Është gjithçka në rregull. Herës tjetër do t’iu telefonoj, kështu që nuk keni pse më qëlloni.