Reagimi i ministres gjermane të mbrojtjes, pasi Trumpi kontestoi legjitimitetin e zgjedhjeve

12:52 | 4 Nëntor 2020
A. B.

Ministrja e mbrojtjes e Gjermanisë, Annegret Kramp-Karrenbauer ka deklaruar se presidenti Donald Trump e ka zhytur SHBA-në në një “betejë për legjitimitetin” e zgjedhjeve presidenciale pas deklaratës në Shtëpinë e Bardhë.

“Kjo është një situatë shumë shpërthyese”, deklaroi Kramp-Karrenbaue për transmetuesin gjerman ZDF, raporton BBC, transmeton portali arbresh.info

Ministrja tha se ekspertët e zgjedhjeve kishin paralajmëruar me të drejtë për një “krizë kushtetuese” në SHBA nëse Trump kundërshton një rezultat potencialisht të pafavorshëm.

Kramp-Karrenbauer i tha ZDF se “këto zgjedhje nuk janë vendosur” sepse “votat ende po numërohen”.

Ndryshe, marrëdhëniet diplomatike midis Gjermanisë dhe SHBA-së kanë qenë të lëkundura gjatë presidencës së Trumpit. / arbresh.info/