Zëdhënësi i qeverisë iraniane Mohammad Bagher Nobakht ka kundërshtuar negociatat e drejtpërdrejta me administratën amerikane.

Nobakht bëri vërejtjet gjatë reagimit ndaj një kërkese nga aktivistë të mirënjohur iranianë për nisjen e negociatave të drejtpërdrejta me Shtetet e Bashkuara, njoftoi transmetuesi shtetëror IRINN, transmeton portali arbresh.info.

Nuk ka bazë ose logjikë për të folur me presidentin amerikan Donald Trump, tha Nobakht.

“Kush do të negociojmë me një person që nuk ka stabilitet politik dhe intelektual? Tani nuk ka arsye për bisedime me një person të tillë dhe opinioni publik nuk e mirëpret atë,” tha zyrtari iranian.

Kohët e fundit, më shumë se 100 aktivistë iranianë dhe personalitete të mirënjohura lëshuan një deklaratë që bën thirrje për bisedime të drejtpërdrejta midis Teheranit dhe Uashingtonit pa vendosur ndonjë parakusht për të zgjidhur mosmarrëveshjet mes dy palëve.

SHBA dhe Irani nuk kanë pasur marrëdhënie diplomatike qëkur personeli i ambasadës amerikane në Teheran u mor peng për 444 ditë duke filluar nga fundi i vitit 1979./Arbresh.info/