Putin nënshkruan ligjin e diskutueshëm për mediat e huaja

21:42 | 25 Nëntor 2017
Trina Galanxhi

Presidenti Vladimir Putin nënshkroi ligjin për rregullat e reja mbi mediat ndërkombëtare të pranishme në Rusi, duke i quajtur ato “agjentë të huaj”.

Legjislacioni që tashmë është miratuar nga të dyja shtëpitë e parlamentit, është publikuar në faqen zyrtare të autoriteteve ruse dhe hyn në fuqi menjëherë, transmeton portali arbresh.info

Ligji lejon që çdo media ndërkombëtare e mediave që vepron në Rusi të klasifikohet nën etiketën kontraverse të agjentit të huaj nga Ministria e Drejtësisë.

Ligji është një hakmarrje ndaj Shteteve të Bashkuara që e kanë vendosur në televizionin shtetëror Russia Today në të njejtin mandat.

Këshilli i Kremlinit për të drejtat e njeriut ka denoncuar projektligjin, duke thënë se është formuluar në mënyrë të paqartë dhe se është e vështirë për t’u zbatuar në mënyrë të arsyeshme./arbresh.info/