Presidenti i rajonit autonom të Katalonisë ka dështuar të sqarojë nëse ai ka shpallur pavarësinë, në një letër drejtuar Madridit.

Spanja ka lëshuar një afat për Carles Puigdemont për të sqaruar qëllimet e tij, apo të ballafaqohet me sundim të drejtpërdrejtë, transmeton portali arbresh.info

Në vend të kësaj, lideri katalunas ka bërë thirrje për negociata në dy muajt e ardhshëm.

Puigdemont shpalli pavarësinë javën e kaluar pas një referendumi të diskutueshëm – por menjëherë e pezulloi deklaratën për të lejuar bisedimet.

Ministri spanjoll i Drejtësisë Rafael Catalá tha të hënën se përgjigjja e Puigdemont ndaj afatit të Madridit ishte “jo e vlefshme”, njofton agjencia spanjolle e lajmeve Efe.

Katalá tha se letra nuk arriti të sqarojë qëndrimin e Katalonjës apo të shpjegojë se çfarë masash po planifikonte qeveria rajonale e z. Puigdemont për të përmbushur kërkesat e Madridit./arbresh.info/