Për shumë algjerianë është e vështirë të kuptohet se si presidenti 82-vjeçar, i cili pësoi një goditje para gjashtë vjetësh dhe nuk mund të ecë ose të flasë, mund ta udhëheqë vendin.

Kjo u kthye në mosbesim kur u njoftua se Abdelaziz Bouteflika po kandidonte për një mandat të pestë në prill , edhe pse ai nuk u paraqit personalisht të dielën për të regjistruar kandidaturën e tij.

Një valë zemërimi i ka nxitur studentët, mësuesit, avokatët dhe madje edhe gazetarët në rrugë për të protestuar, të cilët nuk dëshirojnë të pranojnë udhëheqjen e vendit nga një udhëheqës pothuajse i padukshëm.

Shumë qytetarë shqetësohen se  një dështim për të gjetur një pasardhës të Presidentit Bouteflika, i cili erdhi në pushtet në vitin 1999, mund të çojë në paqëndrueshmëri nëse ai vdes në zyrë.

Shfaqja e fundit e tij televizive ishte në vitin 2014, ku edhe falenderoi algjerianet për besimin e tyre gjatë zgjedhjeve presidenciale.

Pra, pse koalicioni qeverisës dhe opozita nuk kanë qenë në gjendje të paraqesin kandidatë të tjerë të mundshëm?

Opozita historikisht ka qenë shumë e ndarë  dhe ndërsa presidenti u plak  dhe u trazua nga grindjet brenda elitës qeverisëse, duke përfshirë ushtrinë, ka paralizuar çdo ndryshim politik.

Lufta e fundit civile ka lënë të vdekur 150 mijë algjeriane dhe ka lënë vendin pa zbatuar reformat politike.

Përkundër plakjes dhe sëmundjes së Presidentit, problemet e Algjerisë janë shumë më të mëdha. Algjeria ka një system që ka vazhduar të funksionojë në sajë të shumë njerëzve që i hudhin benzin zjarrit./BBC/Përshtati: Arbresh.info/