Polonia ka publikuar emrat e 8,500 rojeve dhe komandove që kanë punuar në Aushvic, për t’i treguar botës se kampi ishte drejtuar nga gjermanët.

Partia në pushtet, Ligji dhe Drejtësia (PiS), është ankuar pasi disa media të huaja i janë referuar kampit në Aushvic si ‘kamp i përqendrimit polak’, transmeton portali arbresh.info.

Lista e stafit të Aushvicit, e publikuar nga Instituti qeveritar për Kujtesën Kombëtare, përfshin edhe vendet e lindjes së personelit, numrat e shërbimit, datat e arritjes- nisjes dhe fotografitë.

“Këto të dhëna tregojnë se kampi është udhëhequr nga gjermanët”, tha Jaroslaw Szarek, kreu i Institutit.

Më shumë se një milionë njerëz, kryesisht hebrenj evropianë, kanë vdekur nga gazi, janë varë ose kanë vdekur urie, para se Ushtria e Kuqe Sovjetike të hynte në portat e saj në fillim të vitit 1945./Arbresh.info