Sot rreth orës 10:00 policia gjermane ka vrarë një terrorist të njohur islamik nga Iraku, 41-vjeçarin Rafik Y., i cili sulmoi një oficere të policisë në rrugët e Berlinit me thikë, kanë konfirmuar autoritetet gjermane.

Mësohet se ai kishte ardhur në Gjermani më valën e fundit të refugjatëve nga Lindja e Mesme.

Personi që u vra nga polici gjerman kishte dosje kriminale. Ai gjatë sulmit ka lënduar rëndë policen femër në Spandau të Berlinit.

Kryeprokurori gjerman Dirk Feuerberg në një konferencë për shtyp ka thënë: “Aq sa kemi informacione deri tani kuptojmë se personi i vrarë ka qenë i dënuar në vitin 2008 si pjesëtar i një organizate terroriste me tetë vjet burgim.”

Dëshmitarët në vendin e ngjarjes kanë thënë se “një njeri i çmendur me thikë po sulmonte.” Kur patrola e parë e policisë kishte arritur në vendin e ngjarjes, Rafik ia kishte mësyre polices të cilën e sulmoi me thikë, për t’u vrarë më pas nga kolegu i tij.

https://youtu.be/9Aqb8GklTrQ