Bashkimi Europian është i hapur, por jo e bindur për propozimin e fundit të bërë nga kryeministri anglez mbi Brexit, tha presidenti i Këshillit Evropian.

Donald Tusk është një ndër zërat kryesore të BE-së që ka shprehur dyshime në lidhje me planin e marrëveshjes së propozuar nga Boris Johnson, transmeton portali arbresh.info

Plani i Johnson do të mbante Irlandën e Veriut në tregun e BE-së vetëm për mallrat, por nuk do të ishte pjesë e bashkimit doganor. Por ajo që ndodh me kufirin midis Irlandës Veriore dhe Irlandës mbetet një pike e nxehtë e debatit.

Kryeministri irlandez Leo Varadkar tha se planet e reja për marrëveshjen e tërheqjes ishin të mirëseardhura, por ‘bien ndesh në shumë aspekte’.

Boris Johnson tha të enjten se ai kishte bërë një “përpjekje të vërtetë për të kapërcyer trazirën” me zyrtarët e BE para se të mbaronte koha për të arritur një marrëveshje në kohë përpara 31 tetorit.

Megjithë premtimin e tij për tu larguar nga blloku me 31 tetor, një ligj i miratuar nga deputetët në Britani të Madhe e detyron atë që të shtyejë Brexitin nëse nuk arrihet një marrëveshje.

Qeveria e Mbretërisë së Bashkuar thotë se po synon të arrijë një marrëveshje përfundimtare gjatë samitit të BE-së me 17 tetor./arbresh.info/