Martin Shkreli, themeluesi i kompanisë farmaceutike “Pharma Bro” është urdhëruar që të kthejë 64 milionë dollarë që kishte fituar pasi kishte rritur çmimin e një ilaçi që shpëton jetë, vendosi të premten një gjykatës federal në Nju Jork.

Shkreli, i cili aktualisht po vuan një dënim me shtatë vjet burg për mashtrim me letrat me vlerë, ka marrë edhe një tjetër goditje, pasi i është ndaluar që të punojë në industrinë farmaceutike, transmeton portal arbresh.info

Shkreli, i cili aktualisht ndodhet pas hekurave në një burg federal të sigurisë së ulët në Allenwood, Pensilvani, u bë një nga drejtuesit më të urryer në Amerikë, shkruan NY Post.

Në vitin 2015, kompania e Shkrelit, Turing Pharmaceuticals, fitoi të drejtat e Daraprim, një ilaç shpëtimtar që përdoret për trajtimin e infeksioneve që ndodhin te pacientët që vuajnë nga kanceri dhe SIDA.

Sipas dokumenteve të gjykatës, Shkreli tha në atë kohë se lëvizja “duhet të jetë një investim shumë i bukur për të gjithë ne”.

Ai e mbrojti vendimin si kapitalizëm në punë dhe tha se sigurimet dhe programet e tjera sigurojnë që njerëzit që kanë nevojë për Daraprim do ta marrin atë përfundimisht.

Aksionet e Shkrelit në kompani vlerësohet të jenë rreth 7.5 milionë dollarë.