Përmbytje të mëdha godasin ishullin e Siçilisë, dëmet rreth 720 milionë euro

08:38 | 23 Janar 2026
R J

Një stuhi e fuqishme që goditi ishullin e Siçilisë ka shkaktuar dëme të konsiderueshme, të cilat sipas guvernatorit Renato Schifani arrijnë vlerën e 720 milionë eurove.

Për të përballuar situatën e emergjencës, qeveria rajonale ka shpërndarë menjëherë 70 milionë euro për të mbuluar nevojat më urgjente.

Edhe në Sardenjë, dëmet e shkaktuara nga moti i keq vlerësohen në qindra milionë euro, dhe autoritetet rajonale kërkojnë mbështetje financiare shtesë nga qeveria në Romë.

Reshjet e vazhdueshme dhe dallgët shumë të larta kanë shkaktuar dëme edhe në pasuritë arkeologjike.

Situata më kritike është në Kalabri, ku dallgët në Detin Jon kanë arritur lartësinë e nëntë metrave – ekuivalent me një ndërtesë katërkatëshe. Erërat e forta, mbi 110 km/h, kanë përkeqësuar shkatërrimin e infrastrukturës dhe zonave bregdetare.