Të paktën 58 persona kanë mbetur të vdekur pasi një barkë nga Gambia që po transportonte 150 migrantë u mbyt në brigjet e Mauritanisë, njofton ministria e brendshme e Mauritanisë dhe agjencia e migracionit IOM.

Barka e cila u nis një javë më parë drejt ishujve Kanare në Spanjë, filloi të kishte probleme me lëndën djegëse dhe u mbyt pranë qytetit Mauritian, Nouadhibou, thotë IOM, transmeton portal arbresh.info

Kalimi i rrezikshëm i detit nga Afrika Perëndimore në ishujt Kanarie dikur ishte rruga kryespre për migrantët që kërkonin jetë më të mirë në Europë. ncidenti i fundit ishte një nga vdekjeprurësit që kur përpjekjet u bënë më të rralla pasi  Spanja rriti patrullimet në mesin e viteve 2000.

Ministria e brendshme e Mauritanisë konfirmoi aksidentin dhe tha se pasagjerët në barkë ishin edhe gra të mitura.

Deri në këtë incident, 97 njerëz vlerësohej se kishin vdekur këtë vit duke provuar rrugën e migrimit të Atlantikut, sipas IOM. Por shumë vdekje nuk janë regjistruar, pasi është e vështirë të gjurmosh numrin e anijeve që nuk e arrijnë destinacionin e tyre ose numrin e udhëtarëve në bord.

Vitin e kaluar, roja bregdetare Guinea-Bissau raportoi se 60 migrantë ishin mbytur me siguri kur anija e tyre u fundos në ato brigje, por trupat e tyre nuk u gjetën kurrë.

Edhe pse Afrika Perëndimore ka një ekonomi në rritje, rajoni po përpiqet që të krijojë punë të mjaftueshme për popullsinë e saj të re. Përkundër kësaj, migrantët vazhdojnë të marrin rrugët e rrezikshme për një jetë më të mirë në vendet e pasura të BE-së./arbresh.info/