Një stuhi e madhe pluhuri goditi të gjithë Mongolinë ditëve të kaluara para se të humbte intensitetin e saj sot, duke lënë të paktën 9 persona të vdekur dhe 12 të tjerë të zhdukur, raporton Anadolu Agency (AA).

Shefi i marrëdhënieve të jashtme në Departamentin e Koordinimit dhe Bashkëpunimit të Politikave të Mongolisë, kolonel Ariunaa Chadraabal, në një bisedë telefonike për AA nga kryeqyteti Ulaanbaatar tha se stuhia e pluhurit filloi të shtunën.

“Së paku 586 persona u zhdukën, nga të cilët 565 janë gjetur. Stuhia e pluhurit filloi nga perëndimi drejt pjesës lindore të vendit”, tha Ariunaa.

Sipas zyrtarit, së paku 58 shtëpi tradicionale dhe 121 gardhe u dëmtuan nga stuhia.

Me një popullsi prej mbi 3,25 milionë banorë, Mongolia kufizohet me Kinën dhe Rusinë. Ka hapësira të mëdha, të ashpra dhe kulturë nomade.